[...] Los traductores nun gociaben de reconocencia, nun esperaben ganase enforma la vida, namás iguar les. Bien poques persones taben realmente formaes como traductores, pero la mayoría tenía una sólida formación universitaria y una sólida conocencia d'idiomes, siquier de la so propia llingua. Tenía un amigu qu'entraba esactamente nesa categoría y el mio círculu d'amigos amplióse para incluyir a otru traductores. Paeciéronme muncho más interesantes como persones y afayé que de cutiu teníamos esperiencies vitales similares. Nunca tuvi problemes para faer amigos, pero siempres me sentí "distintu" y toi segura de qu'ellos tamién lo sentíen. Cuando la mio amiga xubilóse, encamentóme como la so sustituta. Agora entraba nel reinu del Reaseguro, del que nun sabía nada. Tamién yera la única traductora ellí y nun tenía enforma no que sofitame. Sicasí, yera otru llogru.....

Nel mio nuevu trabayu, empecé a mirar los arquivos, a faer entrugues y consiguí que la empresa inscribiérame en cursos de Seguros. La Escuela Cimera de Seguros taba al otru llau de la cai, y na so biblioteca consulté códigos de quemes, pólices de seguros y catálogos d'estintores. Taba aprendiendo lo que nunca antes pudiera dexame'l luxu de faer: investigar. La primer vegada que tuvi que traducir una propuesta pal seguru d'una central nuclear, recibí una llamada del xefe d'esi departamentu, felicitándome pol trabayu que fixera. "Compárase favorablemente colo que tamos avezaos", díxome. ¡Menudu xubidón! Lo qu'asocedió foi que consulté un documentu nos arquivos similar al que taba encetando pa empobiname, pero cuando vi qu'el mio predecesor utilizara la palabra "núcleus" en llugar de "core", di cuenta de que los arquivos nun me sirvíen pa nada. Crucié la cai, fui a la biblioteca y busqué "centrales nucleares". Darréu atopé tola terminoloxía que precisaba.

Precísase muncho más qu'eso pa ser un bon traductor anguaño, de xacíu. […]