Monika Coulson Mar 3, 2007:

Boy, I missed all the excitement here :) :) Just came here and saw this.

Unë në fakt ju detyrohem një shpjegim më të hollësishëm, jo vetëm Ledjës, por të gjithë pjesëmarrësve këtu.

Kështu qëndron puna:

Pyetësja bëri dy pyetje, njëra ku thuhej vetëm: “Security. Albanian translation, please send suggestions;” dhe tjetra ku thuhej: “Safety. safety vs security in Albanian?” që për mendimin tim ishte më e plotë se e para, pasi kërkohej ndryshimi midis termit shqip të fjalëve angleze “safety” dhe “security”.

Unë kisha tri mundësi: ose të fshija këtë pyetje në fjalë, ose atë që fshiva, ose t’i fshija të dyja dhe t’i kërkoja asaj që bëri pyetjen ta dërgonte nga e para pyetjen e vet.

Arsyet që nuk e fshiva këtë pyetje, por i bashkova të dyja në të njëjtin vend ishin dy: E para, kjo ishte pyetje më e plotë se tjetra (pra këtu kërkohej ndryshimi mes termave “Safety vs. Security in Albanian” dhe arsyeja e dytë ishte se tashmë kjo pyetje kishte marrë një përgjigje.

Mund ta fshija këtë dhe ta ruaja pyetjen tjetër, por ajo nuk ishte e plotë dhe nuk kishte marrë asnjë përgjigje, pra ishte rruga më e lehtë për ta fshirë atë. Mundësia e tretë (t’i fshija të dyja pyetjet) mendova se ishte e panevojshme, pasi kjo pyetje tashmë jo vetëm që kishte marrë një përgjigje, por në të kërkohet qartë ndryshimi mes dy termave.

Më vjen keq për shqetësimin që mund të kem shkaktuar, por këto ishin arsyet. E rëndësishme është që ajo që pyet ta ketë zgjidhur dilemën e saj mes dy termave në fjalë.

Gjithë të mirat,
Monika